Surya Namaskar (Assomiya) সূৰ্য নমস্কাৰ।

শৰীৰ সুস্থ বখাটো আমাৰ প্ৰাথমিক আৱশ্যকতাটো হয়েই, মন সুস্থ বখাটো তাতোকৈও অধিক আৱশ্যক। অস্বাভাবিক ইচ্ছা, ভয় আৰু কষ্টৰ বাবে মনব বোগ বেছি হয় আৰু আমাৰ দৈনন্দিন কাৰ্য্যসূচীত ব্যাঘাত ঘটে। আমাৰ থকা-মেলা, খোৱা-বোবা, ব্যৱহাৰ, চৰিত্ৰ আদি বেয়া হোৱা বাবে ইয়াৰ গভীৰ প্ৰভাৱ আমাৰ জীৱনৰ ওপৰত পৰে। যেতিয়া শৰীৰৰ প্ৰাণশক্তিৰ প্ৰবাহ অব্যবস্থিত হয়, তেতিয়া আমাৰ শৰীৰত বিভিন্ন ৰোগে স্থিতি লয় আৰু শক্তি, প্রসন্নতা আৰু শান্তি নষ্ট হয়।

শৰীৰ, মন ঠিক হ'লেও আমাৰ নির্ণায়ক বা সিদ্ধান্ত ল'ব পৰা শক্তি যদি ঠিক নহয়, তেন্তে অপৰিপক্ক বুদ্ধি অনুসৰি কাৰ্য্য লাভ হোৱাটো দূৰৰে কথা হানি হোৱাৰ সম্ভাবনাই বেছি। সেয়েহে আমি এনে এক পদ্ধতিৰ আৱশ্যকতা অনুভৱ কৰো যাৰ দ্বাৰা আমি শৰীৰ, মন আৰু বুদ্ধি এই তিনিওটা সুস্থ আৰু সন্তুলিত হয়। ই তেতিয়াহে সম্ভৱ হ'ব, যেতিয়া আমি শক্তি আৰু শান্তিৰ স্রোতৰ লগত জড়িত হ'ম।

আমাৰ সৌৰমণ্ডলৰ সকলো উৎসৰ অন্যতম শক্তিৰ কেন্দ্ৰবিন্দু হ'ল সূৰ্য্য।

যাৰ শক্তিৰ প্লাৱনত সমস্ত জগত চলি আছে আৰু ইয়েই আমাৰ জীৱনৰ আধাৰ স্বৰূপ। গতিকে আমাৰ লক্ষ্য হ'ল বিভিন্ন বিধিৰ দ্বাৰা নিজকে অধিক শক্তিশালী কৰি তোলা। প্ৰৱল পৰাক্ৰমী সূৰ্য্যৰ সাম্য দেখি ইয়াক সৃষ্টি কৰা জনৰ প্ৰতি মনোযোগ যোৱাটো স্বাভাৱিক কাৰণ, সূৰ্য্যই যদি ইমান শক্তিশালী তেন্তে সম্পূর্ণ জগতখনক সৃষ্টি আৰু পালন কৰোতা পৰমসত্ত্বাৰ শক্তি আৰু সামর্থ্যক শব্দেৰে প্ৰকাশ কৰা সম্ভৱ নহয়।